Belediyemizin Tarihçesi
Hülasa: Ortahisar ve Uçhisar karyelerinde belediye teşkili hakkında Ürgüp Kazasına mülhak Ortahisar ve Uchisar karyelerinde belediye teşkiline dair, mezkur karyelerin nüfus ve haneleri miktarı ile varidat ve masarif-i muhammenelerini mübeyyin bir kıta cetvelin leffiyle varid olan 18 Şubat 331 (2 Mart 1916 ) tarihli ve 320 Numaralı tahrirat-ı behiyyeleri tedkik ve mütalaa olundu:
Nüfus ve haneleri miktarına nazaran ehemmiyet ve cesameti itibarıyla belediye teşkilatının icrasına müsait görünen işbu karyelerde tahsili tahmin olunan varidat-ı seneviye yekununa nispeten reis maaşı hariç ve katip ve sandık emini maaşı da pek cüz’i ve yalnız bir kolcu ve odacı maaşı dahil olduğu halde Daire-i Belediye maaşat-ı müteferrikası yekununun Vilayat-ı Belediye Kanunu’nun 16. Maddesinde beyan olunan humüs derecesinde tecavüz eylediği görülmüş ve reise maaş verildiği ve birkaç Belediye Çavuşu, Aşı Memuru ve Belediye Kalfası gibi istihdamı pek zaruri olan memurin-i belediyenin de tayini takdirinde bu nispetin hiç muhafaza edilemeyeceği anlaşılmış ise de iki binden ziyade nüfusu hamil olan mezkur karyelerde istifa edilen temettü vergisine zam olunacak yüzde on belediye resmi ile ahiren bazı dükkanlara vaz’ ve ta’liki taht-ı mecburiyete alınan levhalardan istifa edilecek rüsum-ı belediye ve sokakların hin-i tanziminde alınacak şerefiye ve yer bedelatı ile vücuda getirilecek kaldırım ve tamir masarifi olarak bi’t-tevzi’ tahsil olunacak varidat dahil-i hesap edilirse varidat-ı belediyenin mezkur karyelerde vezaif-i belediyenin hüsün suretle ifasına kafi bir miktara baliğ olması da melhuz bulunduğundan Vilayat-ı Belediye Kanunu’nun 16. Maddesi ahkamına tamamıyla riayet edilmek şartıyla işbu iki karyede belediye teşkilatının icrası münasip görülmekle ol babda hangi madde olduğu tasrih edildikten sonra yazıla.
Niğde Tahriratına Tarih-i Sevki: 29 Şubat 331(13 Mart 1916)
